سی ایچ پی جی سی پاور پلانٹ کی صورت میں پاکستان کے سی پیک منصوبہ سے متصل خوابوں کی تعبیر کے وقت کا آغاز ۔۔۔فردوس عاشق اعون۔

معاون خصوصی برائے اطلاعات ڈاکٹر فردوس عاشق اعوان نے کہا ہے کہ سی پیک منصوبہ کے مختلف پراجیکٹس کو کامیابی کی راہ پر گامزن کرنے کے حوالے اٹھائے گئے اقدامات کے ثمرات کا آغاز ہو ا ہے جس کے سبب پاکستان کی پیداواری ترقی کے خواب کی تکمیل ہوئی ہے۔ان کا مزید کہنا تھا کہ یہ نہایت خوش آئیند بات ہے کہ پاکستان اور چین کا بلوچستان کے علاقے حب میں مشترکہ چائینہ حب پاور جنریشن پلانٹ (سی ایچ پی جی سی)کا خوش اسلوبی سے افتتاح ہوا۔ان کا مزید کہنا تھا کہ گوادر بندرگاہ اگلے ماہ سے مکمل طور پر فعال ہوگا اور شپمینٹ ٹرانسپورٹیشن بزنس سے نہ صرف ملکی معیشت کو استحکام حاصل ہوگا بلکہ پورے خطے پر اس کے دوررس اثرات مرتب ہونگے۔